1973-ani ǯanas Viǯeşi oput̆e Ç̆urç̆avas dibadu. Liseşakis Viǯe noğas ik̆itxu. Uk̆ule universiteşi ok̆itxuşa P̆olişa mendaxtu. Oçodinuşkule odobade muşişa goiktu do heko matematik̆aşi mamgurapalobas gyoç̆k̆u.Lazuri Nena do k̆ult̆uraşeni eçidovit ǯanas ixandu do Lazuri ozitkvale gamoşku. Onǯeliş nenate nemazişi kitabi xaziru, çkva do çkva tercumepe vu. Mektebepes sum ǯanas Lazuri menoʒxune dersepe meçu.
Haǯi do haǯi ognapuri do oz̆iramuri Lazuri Nenaş materyalepe k̆orobums, ok̆ot̆k̆omers do xoloti tercumepe ikoms, romanepe do novelape Lazuri Nenaşa goktams.Lazuri Nenas şuri do guriten oroms, komiçkinan. Şana bedi muşis!
Internet Explorer tarayıcısının 9.0 ve daha eski sürümlerini desteklememekteyiz. Web sitemizi doğru görüntüleyebilmek için tarayıcınızı güncelleyebilirsiniz, güncelleyemiyorsanız başka bir tarayıcıyı ücretsiz yükleyebilirsiniz.