Акыркы жылдардагы дүйнөдөгү болуп жаткан тарыхый, маданий өзгөрүүлөр, технологиялык жетишкендиктер жалпы илимий процесске, анын ичинде филология багытындагы изилдөө иштерине да өз таасирин тийгизүүдө. Бул тармакта эмгектенген окумуштуулар арасында ага чейинки илимий табылгаларды, чекит коюлду делген айрым илимий маселелерди, калыптанып калган же адатка айланган изилдөө ыкмаларын кайрадан сын көз менен карап, изилдөө объектилерин башка жаңы өңүттөрдөн колго алуу аракеттери байкала баштады. Мындай аракеттерди өлкөбүздө акыркы жылдары жазылган филология тармагы менен байланыштуу илимий эмгектерден да көрүүгө болот. Ошондой болсо да бул тармакта али чечиле элек талаш- тартыштуу, же болбосо такыр колго алына элек маселелер арбын. Мындай маселелерге изилдөө процессинин тынымсыз жүрүшү, изденүүчүлүк, маселени ар түрдүү өңүттөн анализдөө менен гана чекит коюга болот. Колуңуздагы жыйнак жогоруда биз сөз кылган филология багытындагы илимий процесстин тездешине, жайылышына, колго алынып жаткан изилдөө объектилерине башка окумуштуулардын да көңүл бурушуна аз да болсо салым кошуу максатында чыгарылды. Жыйнакта өлкөбүздө филологиялык изилдөөлөргө өз салымдарын кошуп келе жаткан айрым окумуштуулардын адистик багытына жараша ар кыл тематикадагы макалаларына орун берилди.
Internet Explorer tarayıcısının 9.0 ve daha eski sürümlerini desteklememekteyiz. Web sitemizi doğru görüntüleyebilmek için tarayıcınızı güncelleyebilirsiniz, güncelleyemiyorsanız başka bir tarayıcıyı ücretsiz yükleyebilirsiniz.